الخشب ولا السيراميك؟ إزاي تختار خامات التشطيبات الأنسب لبيتك؟

لما تيجي تختار خامات التشطيب, هتلاقي أن الخشب و السيراميك هما أكتر حاجه منتشهره في السوق و ليهم أكتر من مكان تقدر تشتري منه و ده بتبقي حاجه كويسه علشان يكون في تنافسية علي السعر, بس انت ايه الأنسب ليك الخشب ولا السيراميك؟ و ده بيتوقف علي عوامل كتير, زي الاستخدام و الجمال و الذوق الشخصي و الميزانية, و ده الي هنساعدك فيه علشان تاخد القرار الأمثل من خلال مقارنات بين الخشب و السيراميك و مميزات و عيوب كل واحد فيهم.

مميزات و عيوب الخشب

الخشب من أكتر الخامات الي بنستخدمها في الحوائط و الأرضيات, الخشب يعتبر من الخامات الطبيعية الي ليها شكل جذاب و يتميز بالجمال و الدفئ, بيناسب كل التصميمات سواء كانت مودرن أو كلاسك أو نيو كلاسك.

مميزات الخشب:

1- الجمال الطبيعي

الخشب بيضيف لأي مكان لمسة طبيعية و مناسب لمختلف التصميمات و الأذواق

2- سهولة الصيانه

لو حصل اي خدش في الخشب بقدر اعالج الخدش ده بكل سهولة

3- العزل الحراري و الصوتي

الخشب من المواد العازله للحرارة و الصوت, بحيث تحافظ علي درجة حرارة البيت مع الحفاظ علي الهدوء

4- الاستدامه

الخشب من المواد الصديقة للبيئة بحيث تقدر تعيد تدويره

عيوب الخشب

1- التكلفة العاليه

الخشب من الخامات الطبيعية الي تكلفتها بتكون عاليه مقارنه بباقي الخامات

2- التأثر بالرطوبة

مع ان الخشب عازل للحراره و الصوت بس بيتأثر بالرطوبة و الماء و ده ممكن يسببله انكماش أو تمدد, علشان كدة ميفضلش نستخدم الخشب في الأماكن الي فيها رطوبة عاليه

3- الصيانه المستمره

الخشب سهل الصيانه بس بيحتاج صيانه بصفة مستمرة لحمايته من الخدوش و التأكل

أنواع الخشب

1- الخشب الصلب:

 زي الأرو و الزان و الموسكي

2- الخشب اللين

زي خشب الصنوبر و الراتينج

3- الخشب الصناعي

زي الالواح المضغوطة (mdf) و الالواح الليفيه (hdf) و الخشب الرقائقي (plywood)

4- الخشب المعالج

مميزات و عيوب السيراميك

السيراميك من اكتر الخامات استخداما في الارضيات و الحوائط, بيتميز بقوة تحمله و انواعه و مقاساته الكتير بحيث ان ليه أشكال و الوان كتيره تناسب كل الاذواق.

مميزات السيراميك

1- سهولة صيانته

السيراميك سهل جدا في تنظيفه 

2- مقاومة المياه

علي عكس الخشب فالسيراميك مقاوم جيد للمياه, علشان كدة بنستخدمه في الحمامات و المطابخ

3- تنوع التصاميم

السيراميك ليه أشكال و الوان كتيره, و ده بيديك أكتر من اختيار علشان يتناسب مع ديكور البيت

4- قدرته علي التحمل و الصلابه

السيراميك من الخاماتت الصلبه الي بتتحمل الحركه الكبيره عليه, مبيتأثرش بالخدوش أو التأكل

عيوب السيراميك

1- البرد و الصلابه

السيراميك بيكون بارد فمتقدرش تمشي عليه حافي القدمين, سطحه الصلب بيكون مزعج لو وقع عليه حاجه

2- التكلفة العاليه

أنواع السيراميك ذات جوده عاليه بيكون سعرها غالي

أنواع السيراميك

1- السيراميك العادي

2- البورسلين

3- السيراميك الحجري

4- السيراميك المطلي

5- السيراميك المقاوم للبقع

6- السيراميك المقاوم للحراره

7- السيراميك الشبه الشفاف

أزاي اختار بين الخشب و السيراميك

الاختيار بين الخشب و السيراميك بيكون علي حسب المكان و الميزانية و المتطلبات الشخصية.

1- المكان

السيراميك الخيار الافضل في الحمامات و المطابخ بسبب مقاومته للماء

الخشب الخيار الافضل في غرف النوم و المعيشة بسبب انه عازل للصوت و يعطي جوًا دافئًا

2- الميزانية

السيراميك في منه أنواع كتير و بأسعار متفاوته فهتلاقي الي مناسب للميزانية المتاحه

الخشب بسبب انه طبيعي فتكلفته عاليه بس بيقدم جودة عاليه علي المدي الطويل

3- الصيانة

السيراميك سهل في الصيانة بحيث بتنظفه بالمنظفات المعتاده

الخشب بيحتاج لصيانة دورية علشان تحافظ علي حالتة الجيدة

4- الراحة و الجو العام

لو بتدور علي مظهر عصري و سهولة التنظيف فالسيراميك هو الانسب

لو بتدور علي الدفء و الطابع الطبيعي فالخشب هو الانسب

كل خامه ليها مميزاتها و عيوبها فأختار الي مناسب ليك علي حسب المكان و الميزانية و الذوق الشخصي, أهم حاجه تقيم أولوياتك قبل متختار الخامه.

تعديل المقال